Smart Challenge

Лого нь Грек үгнээс гаралтай бөгөөд "дардас"гэдэг  утгатай үг. Бид ямар нэгэн байгууллага, бараа үйлчилгээг санахдаа логог нь эхэлж санадаг. Энэ нь лого, брэнд дүрс нь бизнест ямар их  чухал үүрэгтэй болохыг илэрхийлж байна. Лого нь өөртөө Өндөр утга агуулга, өргөн мэдээлэл агуулж, тэр хэмжээгээрээ хүмүүст өргөн цар хүрээтэй мэдээлэл болж хүрч  байдаг.

Логог хийлгэснээр ямар сайн талуудтай вэ гэхээр тухайлбал компаний хувьд  нэр мэдээж чухал боловч лого зуруулснаар “Симбол” буюу бэлгэдэл нь болж,  хүмүүсийн сэтгэлд хоногшин үлддэг.  Оригинал логотой болсноор өөрийн өнгө төрхтэй болж бусад компаниас ялгарах ялгаа нь болох бөгөөд брэндийн имидж бүрдүүлж илэрхийлдэг янз бүрийн сайн талуудтай. Жишээ нь:

Chanel-ын хоёр С үсэг эсрэг тийш харж хагас нийлсэн  лого нь хамгийн анх загварын ертөнцөд 1925 онд тэдний Chanel #5 үнэртэй усаар танигдсан. Түүхэндээ 2 төрлийн лого хэрэглэж байсан уг брэндийн эхний лого нь Mikhail Vrubel-н хувийн таних тэмдэг болж байсан 2 ширхэг морины тах байв. Энэхүү хөндлөн 2 морины тах нь амжилт болон азын бэлэг тэмдэг хэмээгддэг байв. Бид энэ алдартай логог Францын загварын ордныг үндэслэгч Coco Chanel-ын эхний үсгүүд гэж боддог шүү дээ.

Hermès бол өндөр зиндаанийханд зориулсан классик стилийн брэнд. Тиймдээ ч тэд язгууртныг илэрхийлэх морин тэргийг логондоо хийж өгсөн нь цаанаа бас нарийн учиртай. Тэд сүйх тэргийг хараад уг брэнд хэр удаан оршин тогтнож баячуудыг хувцасласнаа бас илэрхийлэх гэсэн хэрэг.

amazon.com гэсэн үгний a үсэгнээс z үсэг хүртэлх сум нь нэг талаар a-ээс z хүртэлх бүхнийг гэсэн утгыг хадгалахын зэрэгцээ нөгөө талаар хэрэглэгчийн нүүр царайнд инээмсэглэл тодруулна гэсэн утгыг илэрхийлдэг байна.